مدونة محمد عصر مدونة محمد عصر
recent

آخر الأخبار

recent
جاري التحميل ...

شرح التسجيل فى جوجل ادسنس وكيفية البدء فى AdSense وجنى الاموال

شرح التسجيل فى جوجل ادسنس وكيفية البدء فى AdSense وجنى الاموال


السلام عليكم ورحمة الله وبركاتة , زوار مدونة محمد عصر اهلا ومرحبا بكم , بعد ان شرحت فى موضوع سابق على كيف ربحت 496 دولار من جوجل ادسنس فى شهر واحد فقط طلبى منى زوار مدونة محمد عصر طريقة التسجيل فى أدسنس , واليوم اقدم لكم شرح كامل عن طريقة التسجيل فى جوجل أدسنس وعمل حساب أدسنس بشكل صحيح حتى يتم قبولك فى أيام قليلة

اولا تعريف اعلانات ادسنس

علشان تستخدم اعلانات ادسنس لازم يكون عندك مدونة على بلوجر او موقع بدومين مدفوع وعلى استضافة مدفوعه زى جودادى , وحساب أدسنس فى منه حساب عادى وحساب مستضاف

حساب جوجل أدسنس العادى : ده عند اشتراكك فى أدسنس بدومين مدفوع والميزه اللى بينه وبين الحساب المستضاف ان الحساب العادى تقدر تحط اعلاناتك فى اى موقع اخر بدومين مدفوع

حساب جول أدسنس المستضاف : الحساب المستضاف بتكون عامله عن طريق مدونة على بلوجر ومينفعش تاخد كود الاعلانات بتاعتك وتحطها فى موقع بدومين مدفوع

ثانيا احب اوضح للمبتدئين انت هتكسب ازاى من جوجل أدسنس

زى ما وضحت فوق علشان تبدء لازم تعمل مدونة بلوجر او تعمل موقع مدفوع بدومين واستضافة مدفوعة وتشتغل على ووردبريس مثلا , بعدها بتقدم ادسنس وزى ما قولت هتعمل بلوجر يبقى حسابك هيكون مستضاف هتعمل دومين واستضافة مدفوعه هيبقى حساب عادى , بعد قبولك هتحط شفرة الاعلانات فى موقعك وتبدء تكسب من ادسنس وهوضح ليكم ازاى

بعد قبولك فى جوجل ادسنس و وضع الاعلانات بموقعك هتحتاج زوار علشان ارباحك تزيد وكل ما كان عدد زوارك اكبر ارباحك بتزيد علشان كده لازم تهتم بالمحتوى اللى هتنشره لازم تختار تخصص تقدر تبدع فيه

حاجات لازم تاخد بالك منها

اوعى تضغط على الاعلانات اللى على موقعك او تطلب من حد انه يضغط على اعلانات ادسنس داخل الموضوع او خارج الموضوع , النقطة دى مهمه لانها بتعرض حسابك للغلق

نقاط مهمه

عند وصول ارباحك فى ادسنس الى 10 دولار هيطلب منك أدسنس حاجه اسمها البن كود او Pin Code وهو رقم مكون من 5 ارقام بيصلك عن طريق مكتب البريد اللى على عنوانك فى أدسنس بعد كتابة الخمس ارقام بيتم اثبات ملكيتك للحساب وحسابك الفترة دى بيكون شغال عادى والاعلانات بتظهر دون مشاكل بس مش هتستلم ارباحك حتى لو وصلت الى 100 دولار الحد الادنى للدفع غير لما تكتب البن كود

فى بعض الدول زى مصر بيتاخر البن كود وممكن مش يوصل ومنها اسباب كتير زى مثلا انك كتبت عنوانك غلط عند التسجيل فى ادسنس او ممكن اهمال من مكتب البريد نفسه , المهم فى حل اخر وهو انتظارك لمدة 3 شهور تقريبا وفى كل شهر تطلب ارسال البن كود مره اخرى وده بيظهرلك كل شهر تقريبا بعد طلب البن كود فى الشهر الاخير بيظهرلك رسالة انك تقدر تفعل حسابك بالبطاقة الشخصية وبعد رفع البطاقة بيتم اثبات هويتك ومبروك عليك , وخلال الشهور دى انت تقدر تجمع مبلغ كويس يعنى مش هيضرك اى شىء خلال انتظارك خلال الثلاث شهور دول حسابك هيكون شغال عادى والاعلانات بتظهر وارباحك بتضاف بدون اى مشاكل

طيب انت ازاى هتستلم ارباحك من جوجل أدسنس

بعد وصولك للحد الادنى للدفع فى ادسنس وهو 100 دولار قبلها انت بتكون محدد طرق الدفع زى الشيكات والتحويل الإلكتروني (EFT) والتحويل الإلكتروني عبر المنطقة المُوحَّدة للمدفوعات باليورو (SEPA) والحوالة المصرفية ونظام الدفع النقدي السريع عبر Western Union , وافضل شىء هو ويسترن يونيون فى نهاية كل شهر زى ما قولت سيظهر لك رقم مراقبة تحويل الأموال ( MTCN ) وده اهم حاجه علشان بتروح الويسترن يونيون بستلم ارباحك بالرقم ده والبطاقة الشخصية بتاعتك ومبروك عليك

نبجى بقى للنقطة الاخيرة وهو شرح مصور للتسجيل فى جوجل ادسنس

طبعا لازم يكون عند حساب جيميل Gmail

اولا هتسجيل دول بحسابك جيميل Gmail وتدخل على رابط التسجبل فى ادسنس ده 

هتضغط اشتراك


بعدين هيطلب منك تسجيل الدخول بالجيميل مره اخرى



هتملى البيانات اللى قدامك زى ما فى الصوره ايميلك ورابط موقعك والبلد وتختار نعم قرأت الاتفاقية وأوافق عليها وبعدين انشاء الحساب



هيظهر ليك صفحة جديدة هتكتب اسمك ورقم موبايلك وعنوانك ورقم مكتب البريد ونوع الحساب فردى او مهنى والحسابات المهنية للشركات بعدين تضغط ارسال


بعدين هيظهرلك صفحة تطلب رقم موبايلك اكتبه وبعدها هيوصلك كود اكتبه زى ما فى الصوره


بعد كتابة كود التفعيل سيظهرلك صفحة فيها كود اعلانات ادسنس زى ما فى الصوره هتاخد الكود وتحطه فوق وسم head على مدونتك أو موقعك ثم النقر على done



بعد وضع شفرة الاعلانات ستنتظر رد جوجل بقبول او رفض موقعك


نصائح للقبول اشتراكك فى جوجل ادسنس

اختار مجال تكون بتفهم فيه كويس وتقدر تكتب فيه 
المحتوى الكوبى لا اكتب محتوى حصرى
انشر مواضيع موقعك فى جروبات الفيسبوك وتويتر حتى تحصل على زوار
لا تستعجل فى تقديم طلبك اشتراكك فى أدسنس تاكد ان موقعك يحتوى على عدد من المواضيع الحصرية ولا يهم العدد المهم يكون محتوى لا كوبى 

واخيرا زوار مدونة محمد عصر الافاضل اتمنى ان اكون قد افادتكم , قال رسول الله صلى الله عليه و سلم : " من سئل عن علم علمه ثم كتمه ألجم يوم القيامة بلجام من نار " 

اذا كان لديكم اى استفسار فضعه فى تعليق بالاسفل وساقوم بالرد ان شاء الله على الجميع

عن الكاتب

Mohamed R. Assr

التعليقات


اتصل بنا

أهلا ومرحبا بكم فى مدونة محمد عصر لتعليم الربح من الانترنت وتحويل وقتك على النت الى وظيفة وتحقيق دخل شهرى من طرق ربحية موثوقه 100%

جميع الحقوق محفوظة

مدونة محمد عصر